අප ජීවත් වන්නේ ඉතා වේගයෙන් ඉදිරියට යන ලෝකයකයි. මෙම අදිවේගි සමාජය නවීන තාක්ෂණය නිසා තවදුරටත් සංකීර්ණ වූ ගෝලීය සමාජයක් බවට පරිවර්ථනය වෙමින් පවතිනවා. මෙවන් වූ යුගයක කිසිම ජාතියක හෝ සමාජ කොට්ඨාෂයක අනන්‍යතාවය පවත්වාගැනීම විශාල අභියොගයක්. මේ සංකීර්ණ සමාජය තුල විදේශගත වූ ශ්‍රී ලාංකිකයන් වන අප සුලගට අසු වූ තණපලයක් සේ සංස්කෘතික, සමාජ අගයන් හා සිරිත් විරිත් කුනාටුවක අතරමං වී ඇත්දැයි සාධාරණ සැකයක් මතු වේ. මෙම ශ්‍රී ලාංකික සංස්කෘතිය, පාරම්පරික සමාජ අගයන්, සිරිත් විරිත් හා අනන්‍යතාවය පවත්වාගෙන යාම වැදගත් කර සලකන විදේශගත වූ ශ්‍රී ලාංකිකයන් ඒ සදහා නොනවතින අරගලයක නිරත වී සිටී. මෙවන් වූ සමාජයක හනමිටි කාරයෙකු නොවී, ශ්‍රි ලංකාවටම අනන්‍ය සංස්කෘතිය, සම්ප්‍රදායික කලාව, ඉතිහාසය හා සිරිත් විරිත් මතු පරපුරට ගෙනයීම ලෙහෙසි පහසු ව්‍යාපාරයක් නොවේ. "මණ්ඩප ශ්‍රී ලාංකික සංසදය" එම කර්‍ථව්‍යයට උරදීමට කැප වූ සහර්‍දයන්ගේ එකමුතුවකි.